أوعديني تجين

أوعديني تجين ... وحاولي ما تجين
خلي الشوق يتمناك ما ياصلك
امنعيني حنانك واحرميني من الحنين
واتركيلي المجال أحن وأشتاقلك

ابعدي عن عيوني حاولي تختفين
لا تخلين كثرة طيبتك تقتلك
ما يجي بالسهولة ما يسمى ثمين
ومن لبيتيه قبلي يجيك ما يقبلك

ماسهلك ليه زعلتي كيف ما تزعلين
شفتي شلون صرت أقول يا مسهلك

قلتلك لا تكوني مخلصة تندمين
هااا لا يجي يوم وتقولين ما قلتلك
وشكسبتي من القلب الحنون الأمين
وش جنيتي من اللي قالك مانبلك

حاولي تذرف عيونك ولو كذبتين
جربي تبذرين الكذب في مشتلك
احرقي هالقلوب وجربي تلعبين
في يدك قلعتين والجند لك

يا غبية ترآه  كله آنه قلته لك
انقلي ذي بدل ذي واصرخي كش ملك!

مساعد الشمراني